السلام عليكم ورحمة الله وبركاته..

تحية طيبة لكم يا أحبه..

أظن المكتوب باين من عنوانه مثل مايقول المثل :)

افيدوني جزاكم الله خير .. أيهما افضل.. وللتحديد والدقة بذكر اللي ببالي على شكل نقاط سريعه.. وممكن بعد مشورتكم اضيف لها واعدل عليها..

انا من اوائل اللي اهتموا بموضوع تعريب تمبلر.. ولي مدونة قبل حوالي ١٠ سنوات اسمها سعودي تمبلر قدمت فيها كثير من الدروس والثيمات وغيره.. المهم اني اعرف اتعامل مع تمبلر بشكل كبير لله الحمد. اللي مخوفني من تمبلر ان المحتوى ماتملكه وممكن بسبب تافه او صورة ماانتبهت لها يوفقون مدونتك وسبق وعملوها معي قبل كذا.. ولكن تمبلر منصة تدوين مميزة جدا في سهولتها ولأنك فعلاً تتفرغ للتدوين ولا تنشغل بأشياء جانبيه مثل الاستضافه والدعم والصداع المتعب هذا .!

وورد بريس طبعاً غني عن مدحي.. خصوصاً انه الووردبريس في الفترة الاخيره تطور جداَ وكثرت الاضافات والتعديلات عليه بشكل كبير ويخدمك كمدوّن أيّا كان توجهك وتخصصك. ولكن مشكله الووردبرس انه يشتتك كمدوّن وتشطح بعيد عن التدوين واضافة المحتوى اللي ودك فيه.. الى مطاردة الدعم والصيانه والحماية وغيرها وغيرها. طبعاً المحتوى تملكه انت.. وهذي ميزه بعد ولكن لها ثمنها.. في تمبلر انت ماتشيل هم المساحه او الدعم او حتى تهكير المدونة :)

نسيت شغلة مهمه..

مدونتي خاصه لها عدة اقسام مختلفة في المجالات اللي احبها ومهتم فيها وحاس اني بقدم شيء يرضيني اولاً ويرضي المتابع العزيز بالطبع.

كذلك ودي اشاوركم واعرف تجاربكم مع الاستضافات وخدماتها واسعارها.. طبعاً استضافة ووردبريس..

وسلامتكم يا حبايب..

عباس