هل من مهتم بدورة لتصميم قوالب بلوجر متقدمة ووضعها على ثيم فورست ؟؟

السلام عليكم ورحمة الله وبركاته

أشكرك أخى الكريم على مبادرتك الطيبة ولكنى أريد توضيح بعض الأمور لك :

---

1 - المفترض أن تعمل الدورة بشكل جيد وبأسلوب احترافى حتى لو تابعها واحد فقط فى البداية فما دمت أتقنت العرض وبسطت أسلوب الشرح وكانت الدورة احترافية فتأكد أنها ستنتشر ولو بعد حين بشكل رهيب

وخير مثال على ذلك Elzero Web School لصديقى العزيز أسامة بدأ فيها بدورة رائعة وتصميم ممتاز لـ BootStrap ثم تتابعت دوراته بشكل متسلسل وكذلك زاد عدد المتابعين بشكل كبير ورهيب جدا لعدة امور سأذكرها أرجو أن تستفيد منها .

---

2- لاشك أن الدخول إلى عالم ThemeForest هو حلم معظم الشباب المبتدئ فى مجال الويب فحينما تأتى لتعلمه بشكل احترافى وتمهد له الطريق بشكل أمين ليدخل هذا العالم فلا شك سيزيد عدد المتابعين جدا وكذلك الدعوات لك بالتوفيق والنجاح

---

3- حسنا .. نفرض أنك قررت البدء فى الدورة لابد ان تراعى هذه النقاط جيدا :

1- عمل تخطيط جيد ( فهرس ) لمحتوى الدورة كأنك هتعمل كتاب مثلا

أقترح يكون عندك 3 أجزاء رئيسية فى هذه النقطة :

الجزء الأول :

• توضح فى اول مجموعة فيديوهات ماذا ستقدم وما الذى احتاجه لأتابع معك

وتعرض الموقع النهائى بكل تفاصيله كأنك هتبيعه لتحفز الشخص على متابعتك

• ممكن الممكن ان تعرض الأساسيات للمتابع او توضح له فين يتجه كى يتعلمها من أجل ان يفهم ماذا تفعل أثناء الدورة

الجزء الثانى :

• تبدأ تسجل وإنت شغال عمليا على الموقع وكيف تحل المشاكل التى تقابلك أثناء العمل وكيف تستفيد من أخطائك وهكذا ( إنت كده بتنقل خبرة فعلية للمستخدم عن طريق ورشة عمل )

• أثناء عمل مونتاج ستحذف من الفيديو الوقت المهدر شكل الوقت اللى انت بتفكر فيه هتحل المشكلة إزاى مثلا ... كمان وقت التنقل بين البرامج وهكذا

• شرحك و إنت شغال فعليا كأن ده مشروع مطلوب منك هيخليك تعرض شوية حاجات :

1 - متطلبات الموقع إيه ؟؟

2- إزاى أفكر فى تنفيذها وهخطط للموقع إزاى ؟؟

3- إزاى هنظم الكود وعدل شغلى

• طبعا التحضير من اجل الحلقة مهم جدا جدا ... لو مش هتعرف تشرح وانت شغال فعليا فاهتم بإنك تسجل وكأن المتابع يلاحظ إنك شغال فعليا على مشروع حقيقى

الجزء الثالث : ( وده الأهم )

• تبدأ فعليا ترفع الموقع على ThemeForest وتوضح للناس الخطوات بداية من التسجيل على الموقع حتى النتهاء من الرفع عليه

وكيف انك تفهم متطلبات الثيم وكيف تحل المشاكل اللى هتخلى الموقع يترفض وكيف تتعامل مع المبيعات وغيرها من أمور

---

4 - حاول تبسط المعلومة قدر الإمكان وكمان تفصلها بشكل كامل

على أساس المتابع مش كل شوية يدور وراك على حاجة ناقصة أو حاجة مش فاهمها

---

5 - نقطة غاية فى الاهمية

ممكن يكون عندك عدد متابعين كتير بعدين يقلوا لسبب أو لاخر

فى الحالة دى : لازم تستمر مش توقف الدورة

كمان لازم تسأل الناس اللى متابعة هو فى مشكلة فى الشرح ولا لأ

لأن ممكن الشخص اللى غادر مش قادر يستوعب أو ممكن يكون عنده ظروف خاصة به فلازم تتأكد إن المشكلة مش من عندك

---

6 - نقطة اهم من السابقة

على الأقل تنزل كل اسبوع من 5 - 7 دورس جديدة مدة كل درس من 10 -15 دقيقة وإلا صدقنى وعن تجربة لن يلتفت أحد لدورتك إلا بعد انتهائها لو انتهت

وكم من دورة وشرح يفشل لهذا السبب البسيط !!

لان الناس بتزهق من كونها تتنظر دورس لا تأتى فى موعدها

لذا حاول من دلوقتى تسجل الدورة على أساس يكون فيه جديد كل أسبوع

وحاول تنظم وقتك كويس جدا جدا

---

هناك امور اخرى سأذكرها لك لاحقا

بالتوفيق