كتير بنتكلم عن الأمن السيبراني…
عن الـ SIEM اللي بيجمع اللوجز،
عن الـ SOC اللي بيراقب كل حركة في الشبكة،
عن الـ Threat Hunter اللي بيربط خيوط الهجمات،
وعن الـ Analyst اللي بيقرر هل الإنذار ده حقيقي ولا false positive.
لكن عمرنا فكرنا…
هل ممكن نكون إحنا كأشخاص عندنا نفس المنظومة؟
هل جوانا SOC صغير بيحاول يفهم اللي بيحصل؟
ولا إحنا سايبين نفسنا vulnerable من غير أي monitoring؟
المخ زي الـ SIEM... بس بدون Alerting!
كل يوم بيعدي علينا أحداث… ضغط، قلق، لوم، خوف، أحلام متأجلة، مشاكل متكررة، وعلاقات سامة.
المخ بيستقبل كل ده… زي SIEM بيستقبل logs.
لكن من غير system يربط الـ indicators، كل ده بيعدي…
وفجأة نلاقي اختراق حصل: انهيار، burnout، قرارات غلط، أو حتى فقدان الثقة بالنفس.
الـ InfoStealers مش دايمًا برّا الشبكة!
عارف التروجان اللي بيستخبى ويبدأ يسرق بيانات؟
نفس اللي بيحصل لما فكرة سلبية تستقر جواك:
"أنا فاشل"
"مفيش فايدة"
"الكل أحسن مني"
الأفكار دي بتعمل privilege escalation على هدوئك النفسي، وتبدأ تسرّب طاقتك، تركيزك، وصورتك الذاتية.
والـ Brand Protection؟ آه… ده على نفسك!
إنت ليك صورة، ليك اسم، ليك حضور، حتى لو مش famous.
بس لو سبت الأفكار السلبية، والتجارب المؤلمة، والسوشيال ميديا المدمرة تدخل من غير فلترة…
هويتك هتتسرق.
زي الشركات ما بتحمي الـ brand من التشويه أو السرقة، لازم إنت كمان تحمي نفسك.
اعمل DLP على أفكارك، شوف إيه اللي يستاهل تسيبه يدخل، وامسح الباقي.
والـ Dark Web؟ للأسف… أوقات بيكون جواك!
كل ذكرى مؤلمة خزّنتها
كل خيانة تجاهلتها
كل خوف ما واجهتوش
ده dark web داخلي، مخزن للبيانات الحساسة اللي ماحدش شايفها غيرك.
وكل ما حد يضغط على زر معين… بتلاقي response ما تعرفش جاي منين.
ابني SOC داخلي… متسيبش نفسك تنضرب!
SOC كويس مش بس بيمنع الهجمات…
هو بيكتشفها بدري، بيحللها، وبيتعلم منها.
إنت كمان محتاج:
SIEM : يراقب مؤشراتك النفسية يوميًا.
Threat Intelligence : يعر مصادر السلبية جايه منين.
Incident Response : يتحرك وقت اللزوم قبل ما يحصل انهيار.
Awareness : تدرّب نفسك تفكر صح وتفلتر المعلومات.
من الآخر :
*الأمن السيبراني مش بعيد عن النفس…
*وكل أدوات الحماية اللي بنتعلمها في الـ SOC، نقدر نطبّقها على نفسنا.
"احمي نفسك… قبل ما تفكر تحمي الشبكة!"
لأن المخ لما يخترق… السيستم كله بيقع.
