جامعات العراق اصبحت مجرد مكب للنفايات الطلاب الي دخلوا الجامعة واصبحوا جزء من الصرح العلمي العالي ووصلوا الى مرحلة من الرقي (المفروض) ما زالوا يمتلكون عقلية جاهلة عفنة كطالبة من جامعة بغداد الجادرية "كنت بشوف الطلاب من يمشون ويرمون الشي الي بأيدهم بالارض ويجي الرجل العجوز العامل الكهل بظهره المقوس وجسمه المتعب ويحمل الي يرموه الشباب !!

المشكلة ان سئلتهم عن سبب رمي النفايات يكون جواب الاغلبية:

{(الكل يشمر الزبل بالكاع بقت عليهه !!)

مع هذه المقولة الي يرددها 80% من طلبة الجامعات العراقة نكتشف مدى العقول الجاهلة والتفكير العقيم و التخلف الي احنا بيه !!بكل الاحوال الشعب العراقي يشكو من النفايات !! الي سببها الشعب العراقي نفسه !! الي ممكن يرمي زجاجة العصير او بقايا طعامه و سجائره بالجامعة مع وجود عشرات بل مئات حاويات النفايات الفارغة !!

"معلومة تره احنا ما بحاجة الى نصيحة شباب الجامعة المفروض شباب مثقف وواعي ويعرف اهمية النظافة لبلده ولجامعته !!

"لو كل واحد من طلاب الجامعة رمى نفاياته الخاصة بيه بالمكان المخصص ولو بطلنا جملنا الشهيرة مثل "موجود الي ينظف " و "الكل يسوي هيج " ومثل ما احنا ما نرضى بيتنا يكون "مزبلة" فما نرضى بالتاكيد جامعاتنا تكون هيج .

الخلل بالشعب نفسه اذا الشعب توعى البلد راح يكون افضل البلدان وكلنا نريد نشوفه عالي وعالي فخلونا نتثقف و نتوعى ونبطل حالة رمي النفايات !وما ننتظر احد يجي ينظف ورانا لان ( عيب )

ولا ننسى ان قول رسول الله صلى الله عليه وسلم :(( تنظفوا بكل ما استطعتم فإن الله بنى الإسلام على النظافة ولن يدخل الجنة إلا كل نظيف ))

فالنظافة تشمل الشخص وموطنه ... موطنه بيته ووطنه بما يشمل جامعاته ومدارسه ومستشفياته ...الخ"بالختام احب اكول لازم نخلي جامعاتنا راقية بمظهرها وما نخرب مظهرها بنفايات تدل على تخلف طلابها !!"

جامعة#بغداد#العراق#جامعات#نظافة#رقي#لنرتقي#سولا#مقالة