عداد الكهرباء مسبق الدفع بقي حديث كل المصريين بعد ما أوصى الرئيس عبد الفتاح السيسي وزير الكهرباء المهندس محمد شاكر في وقت افتتاح محطة كهرباء أسيوط الجديدة باهميه تركيبه في كل الوحدات السكنية الجديدة و ده لانه هيوفر في الطاقه و له مميزات كتير. بس زي ما فيه مميزات فيه عيوب. ومن الواضح هو اتجاه وزارة الكهرباء لتبديل كل العدادات القديمة بكروت مسبقة الدفع وطرحت الوزارة حوالي 26 مليون عداد. هنوضحلك دلوقتي ازاي تستخدمه ومصاريفه واماكن شحن كارت عداد الكهرباء وطريقة شحن كارت عداد الكهرباء
مصاريف تركيب كارت عداد الكهربا المسبق للدفع
تمن العداد 840 جنية شامل مصاريف التركيب. ممكن تشحن كارت بقيمة 100 جنية رصيد وتاخد 414 كيلو وات وممكن تكفيك لحد4 شهور تقريبا
وسعر كيلو وات فى عداد مسبق الدفع لما بيتركب19 قرش و بيختلف سعر الكيلو على حسب نوع الشريحة اللي انت بتحاسب عليها ففي شريحة اولى او ثانية او ثالثة
طريقه تركيب كارت عداد الكهربا المسبق للدفع
لما بتركب العداد بيتم ربط الروزته اللي هي مسمار فى العداد و اذا حصل فك العداد والتلاعب فيه الكهرباء تفصل و العداد ميشتغلش وبيشتغل العداد مره تانيه عن طريق شركة الكهرباء وبتدفع غرامة 50 جنية
طريقة شحن العداد
بتروح شركة الكهرباء بكارت الشحن بتاع العداد تطلب من موظف الخزنة بشحن العداد باي مبلغ انت عايزه من 10 جنيه ل 10 الاف جنيه و وبعد شحن الكارت بتحط الكارت فى العداد عشان يقرأ قيمة الشحن ويسجيلها فى العداد و بعدها تقدر تسحب الكارت من العداد
ازاي تقدر تشتري كارت عداد الكهرباء الذكى مسبوق الدفع
لازم يبقي معاك وصل كهرباء، مياه، غاز
صورة البطاقة الشخصية
عقد ملكية العقار
قيمة تركيب العداد الذكى للمشتركين الجداد 1600هي جنيه
إيصال التقديم بقيمة 50 جنيه
ازاي تقدر تغير العداد القديم لعداد مسبوق الدفع؟
عشان تغيرالعداد القديم بعداد مسبوق الدفع لازم
تجهزإيصال كهرباء
صورة البطاقة الشخصية
تطلع كشف مديونية من إدارة الكهرباء التابعة لمحل سكنك
تعليمات التعامل مع العداد مسبق الدفع
بتدخل الكارت و تستني لحد ما لمبة الإنذارتطفي
لو خلص الرصيد و النور قطع بتشحن مرة تانيه بانك بتحط الكارت في العداد
مميزات كارت شحن الكهربا
الكهربا مبتفصلش لما الرصيد بيخلص في العطلات الرسمية
بيخلي المشترك يقدر يراقب اكتر استهلاكه و بيظهرعلى شاشة العداد الرصيد المتبقى كيلو وات/ساعة، وقيمته بالجنيه، وعدد الأيام الباقية في الرصيد
لو رصيدك خلص ما بين الساعة 5 عصرا والساعة 10 الصبح من تاني يوم الكهربا متفصلش
في لمبه بتحذرك مرتين مرة لما يتبقالك رصيد 25 % و مرة لما يتبقي 10 %
تقدر تشتري الكارت ب 18و نص جنيه لاول مرة و لو ضاع منك بتدفع نفس القيمه لشركه الكهرباء
العيوب لكارت عداد الكهربا المسبق للدفع
في حالة زيادة الأحمال عن المسموح بيه في العداد "80 أمبير" العداد بيفصل و وفى المره الثالثة للفصل بيتم فصل الكهربا نهائى و بترجع لشركه الكهربا عشان تقدر ترجعه
محتاج كتالوج عشان تعرف طريقة تشغيل العداد بأرقامه وإعداداته علي عكس العداد القديم
ساعات بتظهر أخطاء إلكترونية فجأة في القراءات
لما الرصيد يقرب ينتهي بيتم فصل الكهربا اكثر من مره للتحذير
إرشادات لمنع دفع غرامات وانقطاع التيار الكهربائي
انك تبعد عن التلاعب بالعداد عشان متدفعش غرامات
بلاش تفك “روزتة” العداد لأي سبب عشان هتكلفك غرامه 80 جنيه -
فورى كوسيله دفع لكروت شحن الكهربا
من ضمن الطرق اللي تقدر تشحن بيها كارت عداد الكهربا غير انك تروح لشركه الكهربا هي منافد فورى. المناطق اللي ممكن تشحن كارت الكهرباء بفوري: جنوب القاهرة و شمال الدلتا والقناه والرسوم بتتراوح بين 2 ل 8 جنيه و في منافذ كتير لفورى وتقدر تدفع الملبغ اللي انت عايزه لشحن الكارت
اعرف اقرب مكان ليك فيه خدمات فوري:
واما بالنسبه لطريقةشحن كارت الكهرباء عن طريق فوري فهي:
بتحط الكارت في العداد و تفرغ القيمه المشحونه علي الكارت في العداد
تروح لمنفذ فوري و تدي كارت الشحن للتاجر و تختار القيمه اللي عايز تشحنها
تستلم الوصل
تقدر تحط الكارت في العداد بعد شحنه
شرائح العداد الذكى في فورى
العداد الذكى بيتقسم ل5 شرائح
عمولة فوري 2 جنيه للشريحة الأولى و اللي قيمه الفاتورة فيها بتوصل ل 50 جنيه
3جنيه للشريحة الثانية وبتوصل قيمة الفاتورة من 50 جنيه حتى 100جنيه.
الشريحة الثالثة قيمة الفاتورة من 100 جنيه حتى 200 جنيه العموله 4 جنيه
عمولة الشريحة الرابعة 6 جنيهات و قيمة الفاتورة من 200 جنيه حتى 500 جنيه
الشريحة الخامسة اللي قيمة الفاتورة فيها اكتر من 500 جنيه فعمولة الشركة 8 جنيه
وفي الاخر القرار يرجعلك في استخدام كارت عداد الكهربا او لا فوضحنالك اهم المعلومات لكارت شحن الكهربا زي اماكن شحن كارت عداد الكهرباء وطريقة شحن كارت عداد الكهرباء وفورى كوسيله دفع و المميزات و العيوب و التعليمات لاستخدام كارت الكهربا و مصاريفه وطريقه تركيبه.
التعليقات